Kulturë

Cikel poetik nga Sabahate Byci

E marte, 21.07.2009, 07:07 PM

Pergatiti Pal Sokoli

"Mburrem e krenohem dhe jam kurreshtare
qe ne këtë Botë linda SHQIPETARE".

Sabahate Byci lindi me 17.07.1958 ne Gjakove, ku edhe e kreu shkollën fillore dhe te mesmen QAMO-në Gjakovë. Qe nga rinia e hershme ka shkruar poezi, te cilat i botoi ne revista te ndryshme kosovare si FJALA,RILINDJA,ZERI I RINISE etj. Ishte pjesëmarrëse ne shume mitingje dhe takime letrare ku edhe disa here u shpërblye me vendet e para. Është anëtare e klubit letrar "Gjon Nikollë Kazazi" ne Gjakove dhe ishte anëtare e Teatrit amator”Emin Duraku” te Gjakovës,ku edhe vet ka luajtur me sukses role te ndryshme teatrale. Ka shkruar tekste te ndryshme këngësh te cilat mbeten te njohura dhe aktuale në muzikën tonë popullore. Sabahate Byci merret edhe me artin pamor,piktura është pasioni i saj krahas poezisë.
Ne vitin 1992 u detyrua qe me te birin Korabin ta braktis vendlindjen dhe te mërgoj ne Gjermani,ku pothuajse menjëherë u punësua. Mirëpo Sabahatja nuk kënaqet me kaq dhe vendos krahas punës se mundimshme edhe te studioj. Sabatja me sukses ka kryer studimet ne shkollën e larte,drejtimi Gjerontologjik-Psikiatrik ne Heidelberg ku edhe sot punon dhe jeton me djalin e saj Korabin.
Qe nga viti 1997 është anëtare e klubit letrar gjerman ne Mannheim "Feuerwache"dhe është anëtare e Shoqatës se shkrimtareve dhe artisteve shqiptare ne Gjermani. Se shpejti pritet te dal nga shtypi përmbledhja saj i pare me poezi.

Gëzuar ditëlindjen! (metafore për ty)

Si (n)'Qersh-i (or)-iku e Kuqe flake
Rrezja e Diellit ne thellësinë e mbrëmjes
Puthi natën
Dhe morri dashurinë gaforre ne katrore
Për 24 ore 45 here ne gjinj!
Me qef te thash:(n)'Korri (ik)or
7 Kallinjtë e heshtjes
Me te hidhet se vet vdekja shekullore
E nëse do thuri 17 Poezi për Bereqet
Sepse Molla qe ngrëne
Ty zemra ime 1(Persisht)Marathonomak
Vetëm e vetëm për mua
Gushen ta puthi si Pëllumb!

TE KAM ZAMBAK TE GJAKOVES

Kokën e kam shtrire
Ne qetësinë e natës
Dua ëndrrën ta therës ne takim

Qëkur Ty te njoha
Gjumin syri ma lage
Me shiun e lotëve
Dhe ëndrra me ike
Ne tradhtinë e ferrit
Ne heshtje e pa zë -si ti

A e din se dashuria ime
Për Ty
Është si trëndafili i Elbasanit
Edhe unë Ty te kam
Zambak te Gjakovës

Jam betuar ne pranverën e virgjër
Për Ty do ta thuri një kurore
Me lule me te bukura te Kosovës
Për Ty Diademë i Mbretërisë se Dashurisë
e do ta fali puhisë se saj
BUKURIA E DITËS
Hëna u përshëndet me terrin e natës
Dhe diellit ia fali dashurinë
Për t'ia shtuar hijeshinë
Bukurinë e madhështinë ditës
Sot kur malli si kurrë më parë
Shpirtin ma ka kapluar
Nga fole e gjoksit tënd Kosova ime
E puthi çdo ditë të re

Mire u pafshim

Nëse zbret nga Çabrati
Ma përqafo Gjakovën
Si te duash ti

Nëse vjen nga Tirana
Eja e ma merr mallin tim
Bashkë me lotin e gëzimit

Nëse kthehesh nga Prishtina
Ma përqafo Gjakovën
Si Nena me Babanë

E nëse nga lindja e Diellit
Ne mbrëmje te shkon mendja
Tek Hëna

Mos harro edhe dije
Se unë me mallin e pashkruar
Gjithnjë përqafoi Kosovën-Gjakovën
Timin Kukësin dhe Tiranën
TE TËREN TË MADHEN SHQIPERI

(Vota: 0)