Jahja Drançolli: Epopeja e UÇK-së

Jahja Drançolli:

27 vjet më parë më 5-7 mars 1998 në Prekaz ndodhi një nga ngjarjet më të rëndësishme të historisë sonë e quajtur “Epopeja e UÇK-së”, histori e krahasueshme me kolosët heroikë të lashtësisë, princërit dhe kalorësit e famshëm të mesjetës, si dhe me strategët e famshëm të historisë moderne!

Epopeja e UÇK-së e udhëhequr nga Adem Jashari ndërgjegjësoi mbarë botën liridashëse dhe demokratike për fatin e një populli të shtypur që nuk dorëzohet kurrë. Kjo ngjarje e shënuar në historinë e Kosovës, mori karakterin e një ngjarjeje si krenare por edhe pikëlluese. Dhimbja dhe indinjata u kthyen në një forcë të re mobilizuese në luftën për çlirim që tani nuk kishte të ndalur. Çështja shkoi aq larg sa u debatua në Këshillin e Sigurimit të Kombeve të Bashkuara.

Kosova më në fund hyri në agjendën ndërkombëtare me koston e sakrificës sublime të një familjeje të tërë në pragun e shtëpisë së saj. Ashtu siç ndodhi shumë kohë më parë në analet e historisë së SHBA-së, si rrethimi dhe Beteja e Alamos me epopenë e vdekjes së David Crockett më 6 mars 1836.

Pas çlirimit të Kosovës, një pjesë e forcave të saj vazhdon të shërbejë me krenari në njësitet e Trupave Mbrojtëse të Kosovës dhe Shërbimit Policor të Kosovës. Ndërsa familja Jashari, nga të paktat që mbijetoi falë faktit që ishin jashtë vendit, u gjallërua dhe tani nipërit e mbesat mbajnë me krenari emrat e Adem dhe Hamza Jasharit, si dhe të vrarëve, duke ruajtur brezin me një brez të ri të rritur në lirinë!