Ndue Ukaj: Nesër, qytetarët e Kosovës, duhet t’i thonë jo anti-amerikanizmit të Albin Kurtit

Ndue Ukaj:

Nesër, qytetarët e Kosovës, duhet t’i thonë jo anti amerikanizmit të Albin Kurtit dhe mendësisë së tij sunduese e rrënuese, tipike komuniste.

Sepse, komunizmi, siç ka thënë  Mustafa Kruja “âsht pasqyrë e rrêjmshe e atyne popujve qi, tue mos pasun qytetnim të vetin dhe tue qenë të pa aftë t'i-a mbërrijnë zhvillimit të tjerëve, duen të barasojnë gjithçka me emnuesin e përbashkët të shkatërrimit.

Mendoni pak: Mustafa Krujës nuk i besonin mendjet e droguara me ideologji komuniste, por pasojat ishin fatale.

Kosovës nuk i duhet një kryeministër që e ka afsh sundimin, luftën me të gjithë e që i ka dyert e mbyllura në Shtëpinë e Bardhë, aty ku kanë burimin të gjitha fitoret tona historike.

Prandaj, nesër, me 9 shkurt, vendoset për liri perëndimore apo koncepte komuniste të qeverisjes, që domethënë, për koncepte ku liria, drejtësia e vlerat më sublime njerëzore, janë në vullnetin e një klike politikanësh, që rrinë të këmbët e një personi, me detyrën për ta shenjtërojnë atë, si të ishte i shenjtë.

Nesër, Kosova vendos nëse do të ecë me Amerikën apo kundër saj.

Është fakt i pakontestueshëm se qytetarët e vendit tonë, i kanë të gjitha arsyet empirike t’i besojë Amerikës dhe asnjë arsye të vetme të bëhen bashkë me ata që i këshillojnë të ecin kundër Amerikës, rrjedhimisht Europës, Shqipërisë dhe krejt botës së lirë në emër të patriotizmi të rrejshëm.

Pra, kaq e thjeshtë është çështja e zgjedhjeve të 9 shkurtit: shqiptarët vendosin mes Kosovës që ec me Amerikën ose një Kosove të sanksionuar e të izoluar, pa Amerikën, në të cilën, drejtësia popullore vendoset aty ku duhet drejtësia institucionale, në një shtet ku të dalldisurit do të shkruajnë parulla të çmendura, “bar do hamë, po parimet nuk do i thyejmë.”

Jam fort i bindur se do shqiptarë që janë përfshirë në një betejë të ndyrë kundër përfaqësuesit të Emisarit Presidencial për Misione të Posaçme, Richard Grenell,  shpejt do të turpërohen, sespe, nuk kjo çmenduri nuk ka lidhje me patriotizëm, nuk ka lidhje me realitetin, është intrigë anti Kosovë, është batak primitiv dhe një pështymë kundër Kosovës, po, kjo është një fushatë fund e krye e ndyrë dhe tejet e rrezikshme, e cila i intereson vetëm Serbisë.

Nesër duhet të rufuzohet kjo mendësi shkatërruese.

E ky është kontributi më i madh që i bëjmë vendit, prej shpalljes së pavarësisë.