Blerim Rrecaj: Vetarrestim

Blerim Rrecaj

VETARRESTIM

Arrestova veten

Ia lidha duart

E prangosa për shtëpi

I thasë këtu rri

Më mirë gjithçka mos dëgjo

E gjithçka mos shih

Dhe u bëmë nevrikë të dy

S'kishte si të ndodhte ndryshe

Pres vëtëlirim

VETËQORTIM

Qortova veten duke i thënë

Pse more kështu ende s'u mbushe mend

Ç'është kjo lojë shkrepje-shkronjash

Gjysëm hajgare-gjysëm përnjëmend

VARGJE NGA KAFENEJA

Brenda në kafez

Shikohem në pasqyrë

Si zog i brengosur

S'po di çfarë të them tjetër

Veç mirë që po kemi

Ujë e rrymë

Në kafiterinë Caffez

Diku në botë

Në Prishtinë

Të Shqiptarisë

ÇFARË MË DUHET

Më kaploi

Lodhja

Mërzia

Më duhet

Qetësia

Që të mundem

Të tregoj

Për atë që

Më kaploi

GOTA MBUSHUR PËRPLOT

Djalit ia kërkova

Një gotë ujë

Mori shishen

Ma mbushi

Si atëherë në fëmijëri

Kur gotën ndonjëherë dikush

Ose vetë e mbushja

Spontanisht përplot

I thonim buzë më buzë

E me humor

Me fjalë të atëhershme

Pse s'e mbushe edhe pak i thashë

Më nuk zë gota më tha

Pra kupa plot u mbush

E pije o babush

ME ÇFARË TË DEHEM

Në këtë kohë trazuese

Me çfarë të dehem

Me përpjekje e përpjekje

Me gjumë e gjumë

A duke ndejtë shtrirë e shtrirë pas gjumit

Duke parë vija drite që vijnë nga rruga

E që kalojnë në qiellin e bardhë të dhomës

PIKË E PESË

Më thua po për besë

Jemi bërë pikë e pesë

Pak më ndryshe mendoj tash

Jemi bërë pikë e shtatë

TEPSIA E TEMËKOTËSIVE

Në pritje të një temëkotësie tjetër

E cila si përherë do ta mbulojë të vjetrën

Dhe prandaj nuk është më çudi

Që çdoherë më shpejt e përlajmë në tepsi

MEZI MBAHEM

Mezi mbahem

Në një dru

Në një park

Kalova përsëri

U ndala

Nga toka u shkëputa

U kapa në një degën e tij

Horizontale

Më shpejt ma bëj një foto

I thashë vogëlushit

Se mezi po mbahem

DROJË DHE DËSHIRË

Kam drojë

Se koha për mirë

Shumë ngadalshëm do ndryshoj

Kam të madhe dëshirë

Që koha sa më shpejt

Të më demantoi