Blerim Rrecaj: Shportë me dromca

Blerim Rrecaj:

SHPORTË ME DROMCA

Kthimi i kampionëve

U kthye ekipi olimpik i Kosovës

U kthyen kampionët në atdhe

Krenarë me kampionët tanë

Sa janë madhështor

Po aq të thjeshtë janë

Porosi e të panjohurit

Një vazo hijerëndë

Në një hyje ndërtese

Mbështjellë me mbishkrim

Me një këshillë në letër

"Mos i prishni janë për ju

Ujit kur të mundesh"

Porosi e të panjohurit

Një dashamiri lulesh

Një vrimë llamarine

Dikush pëshpëriti

Prej një pjese Prishtine

Pse kaq shumë po betonizohesh

Ti e dashura ime

E kaq shumë vazhdojnë të mbijnë

Gardhe prej llamarine

Shesh i kamerave

Një qytetar kështu u ankua

Derisa ecte nëpër shesh

Pse nuk shpërndahen

Këto kamera mediesh

Në Rrugën A, B, C

Dhe kështu të vazhdohet

Nëpër rrugët-alfabet

Peisazh me aeroplan

Dielli perëndon

Si ditë e mërgimtarit

Një shkrepje seç e zuri

Një fluturim aeroplani

Hëna në periferi

Hëna gjatë ecjes

Na bën shoqëri

Rrugës këtej në periferi

Rri si e ngrirë e në profil

Si vajzë para piktorit

Për portret-vizatim

Hëna vazhdon me ne të rri

Edhe pasi mbërrijmë

Te kjo shtëpi për një gosti

Shfletime

Në një cep të sheshit

Shfletohet një gazetë

Shfletohen telefonë

Aty-këtu bisedë

Është vapë e gusht

Një shkrepje blic shfleton

Një pamje nate

Si rrufe në qiell të kthjellët

Ditënumëruar e hapshpejtë

Siç thuhet për mërgimtarët