Florim Zeqa: Shuarja tragjike e ëndërrave të djaloshit entuziast

Shuarja tragjike e ëndërrave të djaloshit entuziast

Dren Bajrami 17 vjeçar, djali i ri dhe punëtor, atdhetar dhe energjik, ambicioz dhe entuziast, me ëndërra të bukura për jetën. Ai u nisë shtatë muaj më parë në rrugën e vështirë të emigrimit, i joshur jo nga lakmia por nga mungesa e përspektivës për jetë në atdheun e tij. Dreni kishte vendosur të sakrifikojë veten për t’i sjellë shpresë familjes së tij për jetë dinjitoze në vendlindjen e tij në Kosovë.

Shkruan: Florim Zeqa

Vdekje e dyshimtë e të riut entuziast

Mirëpo ëndërrat e djaloshit 17 vjeçar, Dren Bajrami nga Pirana e Prizrenit u shuan në mënyrën më tragjike në natën mes të dielës dhe të hënës së 18 dhe 19 shtatorit 2022, i cili supozohet se ra nga dritarja e dhomës së tij, në strehimoren Civiform në Cividale (Udine-Itali), ku ishte i strehuar prej muajsh si minoren i pashoqëruar nga askush!

Si pasojë e rënjes prej lartësisë prej afro pesë metrash, ku pas tre ditësh në gjendje kome (agonie), Dreni vdiq pasditën e së mërkures së 21 shtatorit 2022 në repartin e Terapisë Intensive të spitalit Santa Maria della Misericordia për shkak të plagëve të rënda.

Vlenë për të theksuar se 17-vjeçari Dren Bajrami ishte i lindur në Piranë (Komuna e Prizrenit-Kosovë) më 21 nëntor të vitit 2004, i cili ishte i strehuar pranë Civiform në Cividale nga muaji Shkurt i këtij viti si i mitur i huaj dhe i pashoqëruar, siq i trajtojnë autoritetet italiane të rinjët e strehuar aty.

Kështu për fatin më të keq apo të fatkeqësisë së papritur, Drenit ju shuan ëndërrat rinore para kohe, pasi i mungonte edhe pak kohë për të dalur nga strehimorja dhe për të fituar letrat, përkatësisht lejeqëndrimin me të drejtë shkollimi dhe punësimi në shtetin italian!

Meqenëse rënja e Drenit nga dritarja e dhomës nuk ishte vërejtur nga asnjë dëshmitarë, Kryeprokurori urdhëroi autopsinë, ndërkohë që Prokurori ka hapur hetimet ndaj personave të panjohur për hipotezën e vrasjes së qëllimshme apo nga pakujdesia! Hetimet janë duke u zhvilluar nga Karabinierët e Compagnia di Cividale për të përcaktuar shkaqet e vdekjes.

Sipas njoftimit të mediave italiane, Civiform ka shprehur ngushëllimet për vdekjen e të riut, viktimë e një aksidenti tragjik në mbrëmjen e së dielës së 18 shtatorit. Struktura Civiform në Cividale konfirmoj se djali kishte mbërritur në Cividale shkurtin e kaluar, duke kërkuar një të ardhme më të mirë për të dhe për familjen e tij. Siq mësohet nga të dhënat e strehimores, Dreni ishte djalë i urtë dhe i sjellshëm me shokët dhe stafin e strehimores. Ai kishte ndjekur disa kurse për mësimin e gjuhës italiane dhe socializimin e parashikuar nga projekti për arsimim dhe integrim në shoqërinë italiane.

Deri në daljen e rezultateve të autopsisë, na mbetet të shpresojmë edhe tek prokurori i rastit për zbardhjen e shkaqeve të vdekjes së Drinit, ngase për logjikën e shëndoshë është vështirë e besueshme që një i ri entuziast që e ka dashur aq shumë jetën, familjen dhe atdheun, t’i jepë fund jetës së tij duke u hudhur nga dritarja e dhomës!

Mërgimi kjo plagë e vjetër dhe trishtë!

Mërgimi kjo plagë e vjetër s'ka të ndalur për shqiptarët, sa vjen e thellohët akoma më shumë. Emigrimi është zgjidhja e fundit në jetën e njeriut. Kur humbën të gjitha shpresat për jetë në vendin amë, kur e vetmja rrugë e shpëtimit mbetët largimi nga vendlindja. Por jo të gjithë edhe e gjejnë shpëtimin në rrugën e pa fundë të mërgimit!

Shuarjën e shpresave dhe ëndërrave, siq e pësoj i riu Dren Bajrami në mënyrë tragjike në vend të huaj, në kërkim të një përspektive për veten dhe familjen në Kosovë është gjëja më e dhimbshme dhe më tragjike që mund të përjetoi njeriu në jetën e tij!

Ishte i kobshëm dhe i trishtë, i rëndë dhe tronditës perjetimi i këtyre ditëve për familjen Bajrami në Kosovë, farefisin e gjerë dhe bashkfshatarët, por tepër i trishtë edhe për bashkatdhetarët në pjesën veriore të Italisë, të cilët janë duke e ndarë dhimbjen dhe duke u solidarizuar në forma të ndryshme me familjen Bajrami, e cila e humbi tragjikisht birin e saj të dashur Drenin 17 vjeçarë.

Dreni iku mbase duke buzëqeshur pa u përshendetur më askënd, as më pridërit dhe as më vëllaun e vetëm, iku si ëngjëll lartë në qiell për të rrezatuar dritë mbi ërrësiren e Kosovës, që bahkëmoshatarët e tij në Kosovë të shijojnë dhe të gëzojnë lumturi në vendin e tyre, në atdheun e tyre të shenjtë.

Vdekja e parakohshme dhe e pa pritur e Drenit në moshën 17 vjeçare na ka tronditur thellë në shpirtë neve mërgimtarëve në pjesën veriore të Italisë dhe më gjerë.

I qoftë i lehtë dheu i tokës Dardane ëngjëllit nga mërgimi, Dren Bajrami!

I shprehim ngushëllimet tona më të thella familjes, miqëve dhe farefisit të gjërë. Vdekja e pa pritur e Drenit na ka prekur thellë në shpirtë e në zemër të gjithëve, andaj duam që dhimbjen ta ndajmë së bashku me ju familje e nderuar Bajrami.

Të pikëlluar: bashkatdhetarët në Itali

Florim Zeqa

Treviso-Itali, 25.09.2022