Çerçiz Topulli: E fëlliqura Turqi shqiptarët i ka rrjepur e varfëruar

Çerçiz Topulli:

‘’E fëlliqura Turqi shqiptarët i ka rrjepur e varfëruar keq sa që mund të themi se varfëri e vobësi si e shqiptarëve nuk gjendet gjëkundi. Pa shtëpi, pa gjë, pa mësim e pa më të voglën shpresë kanë mbetur, edhe prap pagesë të rëndë i paguajnë Turqisë e cila i merr ushtarë që të vejnë e vdesin nga klima dhe shigjetat e Mahmut Jahjait në Arabi. As udhë s’kemi, as ura, as mesonjëtore as ndonjë të mirë për vendin tonë ka bërë gjerë më sot Turqia. Të gjitha të hollat që mbledh i dërgon në Stamboll dhe çdo nëpunësi të saj i ka dhënë lejen të rrjepë gjendjen në çdo udhë të mundur…"

(Gazeta "Drita" Nr. 86, dhjetor 1906)

"Duhet të bëjmë kurban, sakrificë e çdo gjë që kemi, që të shpëtojmë nga Turqia. Dua prap të them, se vdes për nji shqiptar të krishterë, se ay është gjak prej gjakut tonë dhe se ka eshtra prej eshtravet tona, ndërsa me turqit ndryshojmë si dita nga errësira, si jeta nga vdekja!”.

Çerçiz Topulli “Letër e një mëmëdhetari “ (botuar në Gazeta “Drita”, Sofje 1906)