Sejdi Berisha: Homazh për Dritëro Agollin

Sejdi BERISHA:

HOMAZH PËR DRITËRO AGOLLIN

Pas ikjes sate

Tash nuk ka vlerë

Të të lus

Prit edhe pak Ditëro

Derisa të piqet koha

Për të qenë të lumtur

Ose ik

Ngujohu në pranga të vargut

Se për këtë ishe lindur

E atdheu

Të rri si dritë te syri

Dritëro

Sot më dogji vargu yt

Edhe etja jote

Që iku diku bashkë me Ty

Nesër

Kur do mërzitëm më shumë

Do ngre dy gota raki

Një për Ty

Edhe tjetrën prapë për Ty

Se në gotë

Vargu digjet për njeriun

Dritëro

Pse nuk prite edhe pak

Derisa të piqet koha...

(E diel, 05 shkurt 2017)

 (© S. B.)