Baki Ymeri: Poezi rumune nga Transilvania

POEZI RUMUNE NGA TRANSILVANIA

(Elena M. Cîmpan, Poezi për engjëll / Poezii pentru înger, Amanda Edit, Bukuresht 2016)

Nga Baki Ymeri

Poetesha rumune Elena M. Cîmpan u lind më 28 gusht 1967, në Lukëçesht, rrethi Drëgoesht, Suçeava. Kreu Fakultetin e Shkronjave, dega rumanisht-gjermanisht, në Universitetin „Al. I. Cuza” në Jash. Është profesoreshë në Kolegjina Nacional „Liviu Rebreanu” në Bistrica. Ndëmjet viteve 1998-2002 ka qenë inspektore e specializimit të Gjuhës dhe Letërsisë Rumune në I.S.J. Bistrica-Nësëud. Është presidente e Shoqatës Letrare „Conexiuni”, në Qendrën Kulturore të Qytetit „George Co?buc”, në Bistrica. Është anëtare e Unionit të Shkrimtarëve të Rumanisë (USR) dhe e Unionit të Gazetarëve Profesionistë të Rumanisë (UZPR).

LIBRA TË BOTUAR.

Poezi: „Dilem(n)a”, 2001; „Dansi i blertë”, 2003; „Nga ti te ai”, 2006; „Poezia jonë e të gjitha ditëve”, 2009; „Hidhërimi im i ëmbël”, 2009; „Pianoja dhe poema tjera”, 2010; „Poema më e bukur”, 2011; „Sentimentet e sendeve”, 2012; „Postume antume”, 2014. Prozë e shkurtë: „Kabina e provës”, 2007.

Ese: „”Eseu i daraxhiut”, 2010; „Rruga deri në rrugë”, 2012. Kritikë letrare: „Në bazë të lekturës”, 2010; „Mendimi që bashkon”,  2010; „Me sytë mbi libër”, 2013.

Ditar: „Ditar refleksiv”, 2008; „Ditari i shqetsimit”, 2012.

Publicistikë: „Libri i lojës”, 2008; „Lundra e shpëtimit”, 2013; Poezi për engjëll, 2016.

 

GJESTE TË NATYRSHME

 

në mëngjes

më thot

diçka për ty

ajo më këshillon

të kem kujdes

në

gjestet tua të natyrshme

si do shenja

ngase

jo çdo ditë

engjëlli im

e pin kafenë

me mua...

 

POEZIA E HISTORISË

 

ti je historia ime

dhe unë jam poezia yte

njësoj sikur

unë të isha historia yte

dhe ti poezia ime

nga libra prej gline

që nga fillimi

dhe ndoshta dikush

në ndonjë ditë të ardhshme

do ta shkruajë

një histori të poezisë

apo

një poezi të historisë...

 

PËR TAKIME

 

si mund të harrojmë vallë

takimet tona

kur secili prej nesh sillte

nga një natë të bardhë

dhe e ulnim në gjunjët

e ëndrrës krenare të agimeve

si mund të harronim vallë

takimet tona

me një gëzof lepuri të trembur

dhe kujtimet

nga një tabor arkeologjie

e mundet vallë?!...

 

EPOKA E DËBORËS

 

nëse tashmë nisi të bie borë

do të kthehemi në

fëmijëri

dhe

fije pas fije

do ngrejmë një kështjellë

dhe

do bëhemi

njeri prej dëbore

dhe

grua prej dëbore

në një epokë dëbore

pas epokës sonë...

 

PËR MOSNDRYSHIM

 

kush do ishte në gjendje

të na ndryshojë

asnjë ide

asnjë pengesë

asnjë pakt

asnjë traktat

jemi

të pandryshueshëm...

 

ENGJËLL I DASHURUAR

 

engjëlli im

i dashuruar

për një lëndinë

për një ujë të kulluar

për një muzgëtim

për një heshtje

të shenjtë

për mua...

 

FLLADITJE

 

flatrat më kanë prekur

porsi një flakë

pa e shuar

flladitja

nga lart përposhtë

dhe nga poshtë lart

me kujdes

prehje e lodhje

të kënduara në harpë

unë në krejt ditët tua

ti në krejt netët e mia...

 

TË ËNDËRROJ NË MËNYRË KLASIKE

 

të ëndërroj me sytë e mbyllur

me sytë e hapur

në ngjyrë të mbyllur

të hapur në pamje

flatra e mbyllur

e bardhë

dhe

e zezë

t’ëndërroj në mënyrë klasike

përgjatë jetës...

 

ZOGJTË E HAPIN DRITAREN

 

vjen pranvera

dhe zogjtë e hapin dritaren

me zërin e tyre

nëpër dritën e ditës

ua bëj me dorë

për ikje

drejt fushës, drejt pyllit

drejt shpatit, drejt blerimit

atipik

të gjitha të munguan aq

sa të mos qëndrosh shumë...

 

PORSI NJË TURRË

Motto: „Kur ke arritur në majë të malit, vazhdo të ngjitesh.”  (Vasile Andru)

 

u dogja me ty

si një turrë

e dij

çfarë ndëshkimi

më pret

por atje

në majë

do të vazhdoj

të ngjitem...

 

HOMO FABER

 

më bëre kupë argjendi

nga e cila të pish ujë të gjallë

më bëre murë me vend dritaresh

ku të rrish kur koha të shtyp në tëmtha

më bëre turn me një orë

ku troket një zemër e vetmuar

më bëre shenjë qytetërimi dakas

dhe më vure në muzeun tënd shtëpiak

më bëre varr të zbuluar

në një fshat transilvanean

më bëre amforë që i pret sytë tu

për çdo mëngjes...

 

UNË BESOJ

 

pushoje flatrimin

engjëll

në qerpikët e mi

është koha pa dyshim

uli flatrat

në tëmthat e mia

është koha pa dhimbje

lëri sytë e mëdhenj

të më shohin

përtej tokës

unë besoj

se përjetësia ka lindur

në ditën tënde...

 

ELENA M. CÎMPAN

S-a n?scut la 28 august 1967, în  Luc?ce?ti, Dr?goie?ti, Suceava. A absolvit Facultatea de Litere, sec?ia român?-german?, la Universitatea „Al. I. Cuza” din Ia?i. Este profesoar? la Colegiul Na?ional „Liviu Rebreanu” din Bistri?a. A fost inspectoare de specialitate Limba ?i Literatura Român? la I.S.J. Bistri?a-N?s?ud, între anii 1998-2002.  Este pre?edinta Societ??ii literare „Conexiuni”, la Centrul Cultural Municipal „George Co?buc”, Bistri?a. Este membr? a Uniunii Scriitorilor din România (USR) ?i a Uniunii Ziari?tilor Profesioni?ti din România (UZPR).

C?R?I PUBLICATE: Poezie: „Dilem(n)e”, Ed. Limes, Cluj, 2001; „Dansul verde”, Ed. Limes, Cluj, 2003; „De la tu la el”, Ed. Limes, Cluj, 2006; „Poezia noastr? cea de toate zilele”, Ed. Nico, Mure?, 2009; „Dulcele meu amar”, Ed. Eikon, Cluj, 2009; „Pianul ?i alte poeme”, Ed. Limes, Cluj, 2010; „Cel mai frumos poem”, Ed. Nico, Mure?, 2011; „Sentimentele lucrurilor”, Ed. Limes, 2012; „Postume antume”, Ed, Limes, 2014; Proz? scurt?: „Cabina de prob?”, Ed. Karuna, Bistri?a, 2007; Eseu: „Eseul de cle?tar”, Ed. Limes, 2010; „Drumul pân? la drum”, Ed. Limes, 2012; Critic? literar?: „Pe baz? de lectur?”, Ed. Nico, Mure?, 2010; „Gândul care une?te”, Ed. Nico, Mure?, 2010; „Cu ochii în carte”, Ed. Limes, Cluj, 2013; Jurnal: „Jurnal reflexiv”, Ed. Karuna, Bistri?a, 2008; „Jurnalul nefericirii”, Ed. Napoca Star, Cluj, 2012; „Alltag”, Ed. Nosa Nostra, Bistri?a, 2013; Publicistic?: „Cartea de joc”, Ed. Eikon, Cluj, 2008; „Barca de salvare”, Ed. Limes, Cluj, 2013, Poezii pentru înger, Amanda Edit, Bucure?ti 2016. (Përktheu: Baki Ymeri)