Zejdush Kastrati: Lojë me sherr e ndërkombëtarëve

Lojë me sherr e ndërkombëtarëve,(ndoshta) edhe vendorëve ?!

Atëherë kur punët shkojnë teposhtë, zhduken miqtë. (C.A.Petronius)

Nga Zejdush Kastrati

Rasti i treshes, me ne krye Lushtakun,është edhe njëra ndër provokimet dhe skenarët e mundshëm që ka inskenu faktori ndërkombëtar,përkatësisht komponenta e Eulex-it, taktikë dhe strategji,  e cila,  jo vetëm kësaj radhe, është përgatit mire e qartë, për veprim dhe zbatim, dhe kuptohet, si edhe shumë herave tjera ,lidershipi kosovarë, tregoi haptas, se ose  nuk dinë,ose nuk dëshiron, të bëjë veprime dhe kundërpërgjegjie, që në radhë të pare, janë në përputhje me interesat  e shtetit dhe vendit,apo të tregoj “vijën e kuqe”,por,edhe kësaj radhe, e hangrëm, “karemin”, dhe iu nënshtruam, poshtërimit,servilizmit,bajraktarizmit,anarkisë institucionale,dhe treguam haptas, se  si shumë here, deri më tash,interesi personal, është, më me rendësi, se ai shtetëror e institucional.!

Nuk është hera e parë, që faktori ndërkombëtarë, ka provokuar situaten,si kjo me rastin “Lushtaku”,dhe kuptohet, se pothuaj si cdo “eksperiment” të deritashëm, edhe pse të shumtën e rasteve, kanë qenë, në dëm, të shtetit  dhe interesave të Kosovës, dhe në kundërshtim të  një drejtësie dhe te  një standardi demokratik, në të cilën, më së shumti edhe thirrën këta ndërkombëtarë, prapëseprapë, fatkeqësisht,  edhe pse këto veprime, sollën konfuzitet,pakënaqësi dhe iritim, në fund të fundit, jemi dëshmitarë,gadi qind për qind,gjithnjë, edhe u realizuan siq dashën, të huajt !

Në veqanti,vendimi i Eulex-it, për dërgimin e shqiptarëve të paraburgosur, në burgun e veriut të Mitrovicës, në rrethanat dhe kushtet aktuale,është një veprim dhe vendim,  që fillimisht, është dashur, të kritikohet dhe të kontestohet  ashpër,nga të gjitha institucionet e Kosovës,në radhë të pare nga Ministria e drejtësisë, departamenti I burgjeve,por pse jo edhe nga Presidenca  dhe Qeveria, dhe ate, duke kërkuar fuqishëm që të mos lejohet dhe krijohet hapsirë, për iritim masash dhe protesta , deri edhe te padëgjushmëria qytetare, meqë,  ka pasur mjaft argumenta, për të dëshmuar me fakte  e ngjarje konkrete, se  në veriun e Mitrovicës,nuk ka kushte dhe atmosfere për të jetuar e vepruar lirshëm as për sërbët e asaj pjese , as për shqiptarët e shpërngulur që nga  viti 1999, e të mos flasim, për  shqiptarët e paraburgosur, sic janë ata, që janë identifikuar, si bartës të UCK-së.

Se dërgimi I të paraburgosurve shqiptarë në veri është më shumë se provokim dhe  veprim iritues, janë shumë argumenta që flasin,  se  nga po ky burg, ku është dashur të dërgohen  këta “terrorista”,janë shënuar shumë raste kur kanë ikur të paraburgosurit sërbë(rasti I ikjes së 21 sërbëve në vitin 2ooo) të cilët asnjëherë nuk janë kapur,pastaj vrasja e policit  Enver Zymberi dhe rasti kur para një muaji i arrestuari për dyshime si vrasës i policit kosovar është liruar nga sërbët lokal në prani të policies,  që  (bile )mbanin uniformën e policisë së Kosovës, pastaj,vrasja e një pjestari të policies së Unmikut para disa vitesh, vendosja e barikadave  dhe mosëintervenimi për largimin e tyre,eksplodimet e shpeshta  edhe gjatë ditëve të fundit,të cilat  po shkaktojnë jo vetëm panikë por edhe dëme material, por edhe shumë fakte dhe dëshmi tjera, janë alibi dhe dëshmi të bollshme,se e drejta, për të kontestuar, dhe kërkuar, mosëzbatimin e vendimit të Eulexit për dërgimin e grupit të “Drenicës” në burgun ne Veri të Mitrovicës, për institucionet tona ka qenë,një obligim dhe një e drejt e pakontestueshme për momentin.

Kur si argument shtesë, ia shtojmë edhe rastin më të freskët,kur lideri lokal sërb, Oliver Ivanoviqi,i arrestuar dhe i dyshuar për krime lufte,person i cili vetëm tri ditë para se të arrestohej, në lokalet e RTK-së,më tregon për planet e tija, se si, ka për ta stabilizuar situatën, në atë pjesë, ku dominojnë bandat  e krimit dhe korupcionit nga sërbë të fuqishëm të nëntokës,dhe me gojën e vet, flet dhe pranon, për pasigurinë për shkak të disa kriminelëve sërbë,por, kur ndodhi rasti arrestimit të tij, pikërisht në kërkesën e bërë, për të transferuar në veri,për shkak të pasigurisë në Prishtinë,po ky segment ndërkombëtar, ia aprovon kërkesën, dhe e transferon në burgun e veriut,me cka,vetëvetiu, tregon  josinqeritetin dhe jokorektësinë, në raport me vendimet e marrura, nga këta provokatorë ndërkombëtarë.

Deklaratat e shpeshta të ndërkombëtarëve, e në veqanti ato të fundit, se nuk ka kompromise  sa i përket zbatimit të ligjit dhe rendit, më tepër janë fjalë boshe  dhe për marketing, sepse, pikërisht, këta ndërkombëtarë, gjithnjë,po bëjnë kompromise, në dëm  të një gjykimi  dhe reflektimi te drejt e ligjorë, dhe në dëm të interesave të Kosovës, dhe ate, edhe me rastin e arrestimeve, edhe burgosjeve e paraburgimeve  që  po i bëne në baza etnike, duke i ndarë e  vendosur edhe në burgje të caktuara,me cka edhe po e nxitl urrejtjen, dhe krijon ndasi, pa pasur nevoje ,pasi që, ata që kanë  bërë krime, kanë vetëm një emër, dhe ate –kriminelë,dhe vendin e vetëm e kanë në burg.

Se  disa të paraburgosur shqiptarë, duke përfshirë edhe Lushtakun e disa komandantë tjerë,vetëm me letra kanë qenë në ndërtesat e burgut,përsëri, ku kanë dëshiruar vet ata, edhe tu shkruhet vendimi, sa për sy e faqe, se aty  vuajnë dënimet, edhe ky argument, qëndron, dhe vështirë kontestohet,dhe vërtet, itinerari i tyre, më i shpesht, ka qenë, QKUK-ja, por edhe restorane e lokale, ku pihet edhe rakia e luhet bigjozi, pastaj, edhe vizita  nëpër sera të fshatrave, dhe oda të miqëve e jaranave,por prapësepra, të gjitah këto nuk munden me qenë arsyeja dhe dëshmia , që si “shpërblim”, për këto “vizita”,të papritura, të ndëshkohen, dhe të dërgohen, aty ,ky  nuk e din se cka “bjen mëngjesi”, apo ku nuk e din se  “kush ha” e” kush pine” e në fund ” kush paguan”.

Zatën,në burgjet e Kosovës, nuk kanë qenë, të privilegjuar, vetëm grupi i “Drenicës”,që është kërkuar të dërgohet në Veri të Mitrovicës.Edhe shumë të tjerë të paraburgosur,  që kanë gllabëru miliona e miliona të bugjetit të Kosovës, kanë uzurpu prona publike e shtetërore,  e kanë bërë marrina të ndryshme,janë  të akomoduar në dhomat, që i kanë zgjedhur me enterier siq kanë dëshiruar vet,me televizor plazma,teknika me fundit, e me kondicioner,   me paqetime  pijesh energjike Redbulli , e cigare Malboro, pastaj ushqim special nga restorane jashte,me telefona mobil të vendosur në tavolinë,me gjyguma qaj rusi, që i kanë shërbyer gardianët,por, ata janë të përgdhelur dhe të forte, sepse edhe veprimet, për të cilat, akuzohen, i kanë bërë, bashkë me  disa nga  të fortit, që për momentin , janë jashtë, dhe janë, pjesë e pushtetit.

“Zhdukja”, për  dy ditë, e treshes, me në krye “Lushtakun”,edhe kësaj radhe tregoi se funksionimi I shtetit  është në krizë.Dëmin më të madhë e pësoi pikërisht ky shtet të cilin  si duket vetëm deklarativisht po e duam dhe po e permendim për ta zhvatur,shfrytzuar, por  edhe shkërdhyer kur po na preket interesi  personal.

A pranuam apo jo,edhe kësaj radhe, shtetin tone, e shkërdhyem,por “kopilin” na e la Eule-xi,i cili, nëse  nuk këndellemi, do të na shkërdhej,me siguri, edhe herave tjera.Ia kemi kthy prapanicën…