Ramiz Lushaj: Zoti e shqiptarët lartësuan Ali Ahmetin

ZOTI E SHQIPTARËT

I DHANË ALI AHMETIT LARTËSI E MIRËNJOHJE

Nga Ramiz LUSHAJ

1.

Eu, thashë, dy urime në një kohë për Ali Ahmetin: edhe për fitoren e BDI, edhe për ditëlindjen e tij. Një rastësi, mrekulli... Po ish kanë ndryshe. 4 janar 1959 shënon ditëlindja e tij.  E prapë njerëzit, tash pesë muaj, po ndanin e shpërndanin urime për liderin e Zajazit, Ohrit, Shkupit...Kombit. Kjo, e mrekullueshme. Hyjnore. Jetësore.

Epo, thashë: emri Ali – ka domethanien “I lartë” dhe mbiemri Ahmet - “Ma i falenderuari”. Zoti, Koha, Shqiptarët ia kanë dhanë të dyja: lartësi e mirënjohje. Sllavët e Ballkanit kanë luftue gjithmonë me ia marrë edhe emrin e mbiemrin.

2.

Sivjet Ali Ahmeti i paska përplotë 55 vjet. Ia shtoftë Zoti dyfish!

Po qysh te’a  përcjell ky jubile i tij në heshtje mediatike.?!

A e dini pse po them? Në Tiranë, kryelideri i Kuvendit të Shqipërisë e festoi 45 vjetorin të hanën e 24 marsit 2014 e çka s’u tha...e lau detin me venë prej nga Gjini i Lalëzit. Në Prishtinë, kryelideri i ekzekutivit të Kosovës e festoi 45 vjetorin e lindjes të enjten e 24 prillit 2014 në vendlindjen e tij në Drenicë e çka s’u tha...edhe shkollat e banë pushim dhe zogjtë e malit u thirrën në orkestër.

Në Shkup, Ali Ahmeti, ish Komandanti Suprem e Përfaqësuesi Politik i UÇK-së dhe lideri i BDI, partisë në pushtet e fituese edhe e zgjedhjeve të fundit, e ka festue 55 vjetorin e ditëlindjes së tij në thjeshtësi, në qetësi, mirë e lirë.

E thjeshtë deri në përulje e madhështi piedestale ishte edhe përkujtimi i ditëlindjes të politikanit vizionar e lartësor, Arbën Xhaferrit, i lindur në Tetovë më 24 janar 1948 e ndrroi jetë në 100 vjetorin e Pavarësisë. Një delegacion i PDSH i vendosën më 24 janar 2014 kurora me lule tek varri i tij në vendlindje.

Dy shqiptarët e mëdhenj të lindurit në janar: Ali Ahmetit 42 vjeçar me pushkën e tij dhe Arbën Xhaferri 53 vjeçar me penën e tij, dy luftëtarët e idealeve çlirimtare e demokratike, i ulën Maqedoninë e Ndërkombëtarët në Marrëveshjen Kornizë të Ohrit në gusht 2001 për ngritjen e Flamurit Kombëtar Shqiptar, për përdorimin e Gjuhës Shqipe...për të qënë edhe shqiptarët etnik në lartësi dinjitare si shtetformues të Maqedonisë. Ali Ahmeti ishte Komandanti Suprem e Përfaqësuesi Politik i UÇK në Maqedoni dhe Arbën Xhaferri ishte politikan e filozof, lideri i PDSH, asokohe parti në pushtet në Maqedoni. Ndoshta, te dy, ishin si Ismail Qemali e Hasan Prishtina për FYROM, për shqiptarët në këtë shtet ish-jugosllav. Po jo. Krahasim disi i paplotë. Për ma tepër, kur  Ali Ahmeti, lideri i Luftës e i Paqes, lideri i Çlirimit e i Integrimit, ende është  në kambë e në ballë, flamurtar i idealeve të UÇK-së, i parimeve e vendimeve të Marrëveshjes Kornizë të Ohrit, i integrimeve euro-atlantike...

3.

As Ismail Qemal Bej Vlora, i linduri më 24 janar 1844, pas ngritjes së Flamurit Kombëtar Shqiptar në Vlorën e 28 Nëntorit 1912 nuk pati aq kohë me e festue ditëlindjen e tij, pasi në janarin e 1913 iu desht me shkue në Londër me e mbrojt Çështjen Kombëtare Shqiptare në Konferencën e Ambasadorëve. Ai nuk kishte kohë se po kërkonte të shkonte edhe në Konferencën e Paqes në Paris (1919)...Ai po  luftonte si burrështetas kombëtar, diplomat, politikan për Ditëlindjen e Kombit, për Rilindjen e Kombit.

O Ali Ahmeti, o kreshnik i rritur në luftëra e i thinjur në paqe, po më thonë zogjtë e Korabit, orët e zanat e Vardarit, Drinit e Moravës së Binçës, shqipet e enkelenjëve e paionëve, se ia ka marr’ kangës së Eposit Shqiptar të Kreshnikëve: “Fort po shndrit ky Diell e pak po nxeh”. Po më thonë se po e kërkon hisen e Diellit, të Tokës e Qiellit, hisen e integrimeve mbi dy anët e Vardarit e Atlantikut.

O Ali Ahmeti, pashë gurët e kullës tande në Zajazin rrënjas; pashë Skënderbeun që luftoi edhe në malet e tua  e Nanë Terezën që lindi në anët e tua vardare dhe ua çove e lartove te dyve shtatoret në Shkup; pashë gjakun e idealeve e pushkëve të bashkëluftëtarëve tuaj të UÇK-së që i çuat dy anët e Vardarit e të Atlantikut në Marrëveshjen Kornizë të Ohrit; pashë germat e Shqipes të Kongresit të Manastirit, kallxo/na: Kur e kie Ditëlindjen...?!  Do të jetë Ditë e Madhe, Festë e Madhe.