Xhevahir Cirongu: Nuri Jaupllari - mjeshtër i ngjyrave...

Piktori  Nuri Jaupllari,- mjeshtër i penelit dhe i ngjyrave  jetësore

Nga Xhevahir Cirongu

Janë të shumtë vizitorët në këto ditë të nxehta korriku te galeria e piktorit të talentuar Nuri Jaupllari. Aty vizitorët e të gjithë grupmoshave ndalojnë për të marrë pak freskinë e ngjyrave të pikturave që janë të shumëllojshme e të bëjnë për vete që me shikimin e parë. Në gamën e pikturave vizitori gjen vetveten dhe shpërthen e bëhet një me ngjyrat plot kolor që fillon nga portreti gjer te kompozimet e pikturave abstrakte,peizazhe,etj.Galeria e këtij piktori Skraparas gjendet afër detit në lagjen 13 Plazh të qytetit bregdetar të Durrësit. Më konkretisht te hotel ‘’Antalia’’,ku piktori Nuri Jaupllari ka mbi 8 vite që punon e krijon në atë galeri. Janë të shumta ekspozitat që ka hapur Nuriu, jo vetëm në Shqipëri, por edhe jashtë vendit. Këto ditë piktori Nuri Jaupllari merr edhe vlersime për punimet e tija në shkallë ndërkombëtare në fushën e pikturës, pikërisht nga Akademia e Arteve Evropiane.

Edhe ftesat e këto ditëve për të merrë pjesë në ekspozitat më 22 korrik në Belgjikë, e në vjeshtë në Gjenevë e Milano,janë një dëshmi vlersuese për talentin që ka ky piktor me përmasa tashmë ndërkombëtare.

Më poshtë po paraqesim disa piktura nga ky piktor që janë kompozuar kohët e fundit.