Adem Zaplluzha: Vaji i Dardanisë

Adem Zaplluzha

VAJI I DARDANISË

Atë ditë

Qau ajo nuse

Ndoshta e kam gabim

Fëmija qante në trupin e saj

Me vajin e nuseve të Dardanisë

Edhe qielli i ngrysur

Nuk i kursente lotët

Qanin retë

Qante këmisha ime e lagur

Loti nuk e ndalte lotin

Në fijen e barit zgjohej dhembja

Me cepin e veladonit

E tërë lagja i fërkonte sytë

Qante edhe era

E Dardanisë

Hingëllima e kalit tim

Nuk ndalej

E tërë bota

U shndërruar në vaj