Arif Kutleshi: Zahir!

Arif KUTLESHI

ZAHIR!

Në Ga/llap lëshove Zâ lëshove shtat lart mbi lis

Mbi Korab kikë mbi kikë ku bardhon  i´ lumi plis.

Në Lugje të Verdha  atdhetare  pive ujin kristalor

Pushkën e parë çlirimtare e përcolle dorë më dorë.

Nga Veriu s´ndale hapin  s´ndale hovin deri n´Jug

Krenarinë  e shqiptarit  nuk e le të shkonte  n´burg.

Tjetër diell tash, tjetër hënë, tjetër frymë Ah, o i ri!

Vjen e shkelë udhët për s´dyti vjen e vjen n´Iliri!

Iliria tokë arbnore  tokë e lirë me farë në dhé

Farë lirie e Gentianes mbin e ngjitet lart në ne.

I dhê zemër i dhê emër qëllimisht jo me pahir

Ujit ajrit dheut zjarrit  gjak i Gjergjit ti Za/hir!

Hir i shenjtë në jetë të jetës në Dardaní në Ga/llap

Në çdo djep një flamur një atdhe një besë sa i´rrap.

Ishe dje do t´jesh për mot qiell i kaltër ndër brezni

Përmbi lisa lëshove shtat Zâ u bëre, në Përjetësi!

(2005-2011)