Luan Çipi: Përqafimi i Linës

Luan Çipi

PËRQAFIMI I LINËS

Fëmijët, të tre mërguar,

Prej meje larg janë.

Për ta i dëshiruar

“Mërdhij” dhe nën jorgan.

Shpalos albumin radhë,

Sikur i qasë më pran,

Me fotot shuaj mall,

Ato, ma ruajnë xhan.

Po shoh këtu time bijë,

Qafuar gush më gush,

I ndjej krahë dhe ijë.

Një zjarr më djeg si prush.

Ajo është shumë larg

Pranë Polit, n’Kanada

Nga hallet lidhur varg,

Me dy fëmijët që ka.

Ata, ende në shkollë

Ajo, dergjet në punë

Te Lina, faqe mollë,

Merakun e kam unë.

E ndjej se jam moshuar

Për aq, sa se ndihmoj

Albumin mbaj shtrënguar

Dhe fotot  admiroj.

Me fjalë i lutem Zotit

T’i shohë dhe t’i ruaj

Dhe pres,  që ndofta motit

Kthehen nga dheu i huaj.

Tiranë, 08,12,2011