Murat Gecaj: Çfarë tregon Pashk Preka, përgjegjës i agjencisë “Drita”-Tiranë

Nga e majta: P. Preka e M. Gecaj

SYNIMI YNË: JO  VETËM  TRANSPORTI  I  UDHËTARËVE…

(Çfarë tregon  Pashk Preka, përgjegjës i agjencisë “Drita”-Tiranë)

Nga: Murat Gecaj

Publicist-Tiranë

1.

Kur lexon diçka për një agjenci udhëtarësah, menjëherë mendja të shkon te ndonjë “reklamë”, që bëhet për të shtuar te ajo numrin e klientëve. Sigurisht, puna e çdo agjencia të tillë ka si bazë përpjekjet për të shtuar sasinë e udhëtarëve, në drejtime të ndryshme, e lidhur kjo edhe me fitimin e mundshëm, nga  drejtuesit e punonjësit e saj. Se kjo është “loja” e ekonomisë së tregut. Por, në rastin konkret, nuk e kemi pikësynimin për ta bërë një gjë të tillë. Bazuar në ato, se çfarë na tregoi përgjegjësi i agjencisë së udhëtarëve “Drita” (pas Muzeut Historik Kombëtar e Hotelit “Tirana”), në kryeqytet, Pashk Preka, dëshirojmë të dëshmojmë se aty po punohet me përkushtim për t’u ardhur sa më mirë në ndihmë qytetarëve. Shërbimi u kryhet atyre me korrektësi e sipas dëshirave, që të udhëtojnë në drejtime të ndryshme, me autobusë, avionë ose tregete, si në shtete të ndryshme të Ballkanit e Europës, por dhe deri në Amerikë.

Është e vërtetë se, sidomos pas heqjes së regjimnit të vizave në zonën “Shengen” të Europës, është shtuar numri i këtyre agjencive për udhëtarët. Siç thuhet rëndom, sigurisht, secila prej tyre e ka “riskun” e vet. Por është e natyrshme se agjencitë me përvojë të gjatë pune, kanë më tepër mundësi për t’iu gjendur pranë udhëtarëve të zakonshëm ose turistëve, në priudha të ndryshme të vitit, por sidomos në verë e në dimër.

Duke biseduar me Pashkun, por dhe duke parë reklama e afishe të kësaj agjencie turistike për transportin e udhëtarëve, mësojmë se ajo e ka nisur veprimtarinë e saj që në vitin 1994, pra 15 vjet më parë. Puna u fillua me një makinë të vjetër 20-vendëshe, për transportin e pasagjerëve brenda vendit dhe deri në Kumanovë të Maqedonisë. Pas vitit 1997, u nis bashkëpunimi me një kompani udhëtimesh maqedonase dhe agjencia u vendos në një kioskë, afër Sahatit të Tiranës. Ngjarje e rëndësishme për  agjencinë “Drita”, ishte  blerja e dy atobusëve, në vitin 1999 dhe transporti i udhëtarëve, jo vetëm për në Maqedoni, por dhe në Kosovë e Stamboll (Turqi). Kështu, në vazhdimësi, në vitin 2001 u vendosën linja të rregullta për në ato drejtime, si për transportin e grupeve turistike e të udhëtarëve, pasi u siguruan  edhe dy autobusë të tjerë.

Viti 203 solli një ngjarje të re për këtë agjenci udhëtimesh, pasi u mor liçenca dhe nisi linja e rregullt e udhëtimit Tiranë-Milano dhe, një vit më pas, Tiranë-Selanik.  Në vitin 2008, numri i autobusëve për udhëtarët arriti në 11, për në linjat e mësipërme, duke u vendosur bashkëpunim me kompani të tjera, për udhëtimet Tiranë-Gjermani.

Aktualisht, kjo agjenci e vazhdon veprimtarinë e saj intensive, për të përballuar kërkesat e periudhës së pushimeve verore, si udhëtime me persona të veçantë a familjarë dhe  grupe turistike, guida të ndryshme etj. Po kështu, vijojnë të kryhen shërbimet e nevojshme të biletarisë për udhëtarët në të gjitha drejtimet, me avionë e tragete, për në Europë, Amerikë etj. Tregues i kanaqshëm është se, mesatarisht, numri i udhtarëve arrin deri në 4-5 mijë në vit dhe synimi është për të siguruar shërbim sa më të saktë dhe duke iu përgjigjur, në çdo kohë, interesave të udhëtarëve.

2.

Kur bisedon me Pashk Prekën, gjithnjë buzagas e në lëvizje, mëson se ai nuk është thjeshtë një “biznesmen”, që është i dhënë vetëm pas fitimit të agjencisë së tyre. Ai e ka origjinën nga krahina e Nikaj-Mërturit të Malësisë së Gjakovës (Tropojë) dhe asnjëherë nuk është i shkëputur prej saj. Me synimin e mirë që t’u vijë në ndihmë bashkëkrahinasve të tij, pak vite më pare, ai sposorizoi botimin e disa numrave të gazetës me titullin “Nikajmërtur”. Po kështu, arsimtari Frrok Vukaj përgatiti librin me titullin “Nderim e kranari për vendlindjen”, të cilin Pashku e sponsorizoi me dashamirësi. Ndërsa ka disa kohë që kolegu Ndue Ukcama po punon bashke me të, për përgatitjen e një libri kushtuar historikut të fshatit të Pashkut, pra Palç, nga e kanë origjinën  edhe Isuf Gërvalla dhe mjaft njerëz të tjerë të shquar: atdhetarë, të arsimit, kulturës, shkencës e letërsisë etj.

Kush i ka ndjekur koncertet e katër-pesë viteve më parë, në Teatrin e Operas e të Baletit dhe në Pallatin e Kongreseve, në kryeqytet, është mrekulluar nga interpretimet e këngëtarëve, valltarëve e rapsodëve të Nikaj-Mërturit. Ato shfaqje të bukura ruhen ende të gjalla në kujtesën e bashkëkrahinasve të Pashkut, për të cilat ai bashkëpunoi në mundësimin e tyre. Megjithëse është paksa i kujdesshëm në premtimin e tij, duke buzëqeshur, ai të jep të nënkuptosh se nuk do të ndalet me këto ndihma modeste për vendlindjen e tij. Ndoshta, do të dalin përsëri numra të gazetës “Nikajmertur” dhe, ndoshta, do të shohim përsëri koncerte të bukur të asaj krahine, si atje dhe në kryeqytet. Dhe Pashk Preka do të vazhdojë të japë ndihmesën e tij të pakursyer në këto drejtime, duke patur dhe bashkëpunimin e kolegëve të tjerë biznesmenë të asaj krahine.

Për lidhjet e ngushta shpirtërore të Pashkut me vendlindjen, flet qartë edhe ky fakt. Ishin mbushur rreth 100 vjet, që në fshatin e tyre Palç nuk kishte patur vëllavrasje ose hasmërira. Por ndodhi që, para 7-8 vjetëve, të bëhej një vrasje. Kjo gjë i shqetësoi e i tronditi pa masë të gjithë, ndër ta edhe vetë Pashkun. Prandaj, një ditë, ky mori udhën për atje, duke u bërë nismëtar, bashkë me Nikollë Zefin, për pajtimin e atij gjaku, ndërmjet familjeve të D.Prendit e M.Pjetrit. Pas bisedave të rastit, fatmirësisht, u arrit në mirëkuptim të plotë dhe gjaku u pajtua e ato familje tani jetojnë të qeta, duke falënderuar dhe bashkëfshatarët e tyre, që iu ndodhën pranë dhe ndihmuan në pajtimin e kësaj hasmërie të pakuptimtë.

Në mbyllje të këtyre radhëve, për agjencinë e udhëtarëve “Drita” e përgjegjësin e saj, Pashk Preka, dëshirojmë  të tregojmë se edhe bashkëshortja e tij, Suzana, është e përfshirë në tërë veprimtarinë e saj. Po kështu, dy djemtë e tyre, Elvisin e Marion shpesh i sheh në zyrat e kësaj agjencie, çfarë flet se edhe ata e përjetojnë dinamikën e punës së prindërve të tyre. Prandaj, kemi arsye të plotë që ata t’i përshëndesim nga zemra dhe t’u urojmë gjitha të mirat, familjarisht!

…Nga veprimtaria tërësore 15-vjeçare e agjencisë së udhëtarëve “Drita”, në kryeqytetin Tiranë, nxjerrim mësimin se me punë ta palodhur, të ndershme dhe me përkushtim ndaj qytetarëve, mund të arrihen përditë e më tepër synime të mira, si për veten e familjen dhe shoqërinë.

Tiranë, 4 gusht 2011