Ajshe Hoxha: Dëshmorëve të kombit

DËSHMORËVE TË KOMBIT

Në rrugëtim drejt dritës

Në rrugëtim drejt lirisë

Na u desh shumë kohë

Për këngën e vegjëlisë!

Bijtë tanë zemërluaj

Dolën në male e kreshta

Armikun sllav ta ndjekin

Të mbrojnë trojet e veta.

Hapëruat maleve e bregoreve

Me dhembjen e mëmëdheut

Me qëndresën burrërore

Si në kohë të Skëndërbeut

Besën e keni dhënë

Keni lëshuar kushtrimin

Trojet do t’i mbroni –

Keni bërë betimin.

Ideali juaj i shenjtë

Të luftohet robëria

Jehoi si rrebesh –

U dridh tirania…

Veprën tuaj heroike

Përherë do ta kujtojmë

Me vite e shekuj

Do t’iu nderojmë!...

Mburremi që u patëm

JU o burra të dheut

Në ditë më të vështira

I dolët zot atdheut.

Dhatë gjakun dhatë jetën

Në luftë me barbarë

Shkuat në pavdekësi –

U ruajmë nëpër lapidarë.

Në shkolla, rrugë, sheshe…

Emrat tuaj –  shkruar kurorë

Me shkronja të mëdha

JU TË KOMBIT DËSHMORË!

Ajshe HOXHA, Kl. VIII-1,

Shk. fill. “Dëshmorët e kombit”,

Shqiponjë (ish-Jabllanicë) e Dushkajës, komuna e Gjakovës