Shoqëria Civile: Të ndalohet përshkallëzimi i konfliktit politik

SHOQERIA CIVILE 2011

Të ndalohet përshkallëzimi i konfliktit politik dhe ti hapet rruga stabilitetit, integrimit europian dhe konstruktivitetit politik

Në 24 Janar 2011, 90 organizata të shoqërisë civile i drejtohen me një deklaratë t përbashkët klasës politike me qëllim tejkalimin e përshkallëzimit politik që ndodhi në 21 Janar 2011 ku gjatë një proteste të opozitës u shkaktua dhunë, u vranë 3 qytetarë dhe u plagosën me dhjetra qytetarë dhe forca të rendit.

Shoqëria civile i kujton klasës politike qëShqipëria ka nevojë për stabilitet dhe shtet ligjor dhe institucione demokratike.

Shoqëria Civile shqiptare dënon cdo akt të dhunës ndaj institucioneve dhe kërkojmë nga këto institucione të mos tejkalojnë forcën.

Shoqëria civile mbështet deklaratat e faktorit ndërkombëtar dhe jep përkrahje për institucionet demokratike për rikthimin në Parlament në shërbim të qytetarëve.

Organizatat e shoqërisë civile shprehin ngushëllimet ndaj 3 familjeve të viktimave të ngjarjeve të 21 janarit dhe shpreh solidaritet me të gjithë të lënduarit nga këto ngjarje

I kërkojmë klasës politike që për momentin të ndërpresë demonstrimin e forcës nëpërmjet mitigjeve si një model të vjetëruar.

Klasa politike duhet të distancohet nga çdo thirrje për ballafaqime apo përballje publike apo politike.

Klasa politike duhet të përmbajë përgjegjësi për aktivistët e saj dhe pasojat e veprimeve të tyre dhe të shmangë që në fillim pasojat e mundshme dhe të padëshirueshme.

I bëjmë thirrje qytetarëve shqiptarë që të distancohen, të injorojnë apo të kundërshtojnë ccdo thirrje për demostrime të forcës pasi çdo veprim në këto situata bie në kundërshtim me interesat e drejtpërdrejta të Shqipërisë dhe të popullit.

Organizatat e shoqërisë civile kërkojnë që Presidenti i Republikës të marrë rolin e tij si përfaqësues i unitetit kombëtar dhe të kërkojnë nga Partitë Politike që të ulen në një tavolinë të rrumbullakët.

Shoqëria Civile fton Presidentine Republikës të thërrasë Këshillin e Sigurimit Kombëtarpër të vlerësuar efektet dhe pasojat e çdo veprimi politik nga secila anë, përfshi institucionet kushtetuese.

Të hetohet pa ndikime politike e gjithë ngjarja e 21 janarit dhe njëkohësisht të hetohen të gjitha palët e përfshira në ngjarje.

Duke mbështetur hetimin e plotë e të paanshëm të ngjarjes, shoqëria civile shpreh solidaritet me forcat e rendit dhe të gjithë garantuesit e tjerë të respektimit të ligjit dhe rendit publik

Institucionet e zbatimit të së drejtës të bashkëpunojnë në mënyrë harmonike në mbështetje të ligjit, duke zbatuar detyrimet që rrjedhin prej tij.

Klasa Politike në mënyrë urgjente të bashkëpunojë, duke vendosur në plan të parë interesat kombëtare dhe interesat e qytetarëve si dhe integrimin europian, përpara interesave partiake.

Liderët politikë të ndërpresin gjuhën e urrejtjes, pasi kjo gjuhë ndikon në klimën e përgjithshme politike dhe shoqërore.

Proçesi i integrimit të Shqipërisë në Bashkimin Europian është i pandashëm por nuk dhet të përdoret si gjuhë për të përligjur dhunën dhe gjakderdhjen politike në vend pasi cënojnë rëndë standardet e vendosur ndërkombëtarisht dhe perspektivën europiane

Kërkojmë që imazhi i Shqipërisë nuk mund dhe nuk duhet cënuar dhe palët duhet të punojnë mbi promovimin e saj dhe jo kundër saj. Shoqëria civile angazhohet të punojë për rehabilitimit e imazhit të vendit për dëmin e pësuar në 21 Janar nën moton: “Shqipëria nuk është kjo”

Liberalizimi i vizave në 15 dhjetor ishte një hap plotësisht europian për çdo qytetar shqiptar. Në këtë kontekst i kërkojmë aktorëve politik në vend të mos cënojnë këtë “Marëveshje” thelbësisht integruese.

Politika shqiptare e të dy krahëve të votojë në parlament ligjet që janë një detyrim për integrimin e Shqipërisë në Bashkimin Evropian.

Rrjeti i Shoqerise Civile Shqiptare që solidarizohet me këtë deklaratë: