Agim Gashi: Urimi im për Vitin e Ri

Agim Gashi

URIMI IM PER VITIN E RI

Vjen dhjetori si çdo vit,

Zgjohen popujt në këtë botë,

Jehojnë këngët zbrazen gotat

Njëri-tjetrin e përgëzojnë.

Vijnë Krishtlindjet madhështore

Ta kujtojnë një lindje nga Zoti,

Zbuten zemrat shtrihen duart

Sot patjeter dhe nga qëmoti.

Kur ndërrohen dy vite t´gjata

Njëri që shkoi e tjeri që vjen,

Natë e gjatë me miliona puthje

Në historinë tonë gjurmët len.

E tërë bota luajnë e këndojnë

Dhurojnë puthje e përqafime,

Vetëm unë në kurbet të zi

Festoj në vetminë time.

Qysh nuk pata një të dashur

Që ta puth në orën dymbdhjetë,

Të më shoqëroj sa të jem i gjallë

E të më përcjellë nga kjo jetë.

Të dashur miq edhe mikesha

Ju familje dhe ju o gjaku im,

Uroj të keni fat siç ju desha

Askush mos past këtë fatin tim!

Ju paçi fatbardhësi dhe lumturi

Jetë të gjatë me plot shëndet,

Të më ruani në kujtimet tuaja,

Kur të ndahem nga kjo jetë!