Kasam Shaqirvela: Malli për Atdheun

Kasam Shaqirvela

MALLI  PËR  ATDHEUN

(M ë r g i m t a r i t)

Sa herë që unë shkoj

Atje, drejt perëndimit

Apo lindjes të udhëtoj

Qoftë të rri atje kohësisht

Ose të shpërngulem për krejt

Si i thuan ndryshe në jetë

Larg e larg të migrojë

Unë s`jam i qetë,

Trupi s’më dhemb

Por i tëri lëngoj

Është vetë trolli

Që mua më polli

Dhe s`më mbështolli

Ndër vete të më mbajë

Nga tjerët mos t`më ndajë

Porse më la të vuaj

Këtu në dhe të huaj

Ah! veç ky truall

Ëndrat mi bën lëmsh

Dhe un’ këtu, n`përbuzje

Jam në përçmime

Rri gjithnjë në ankth

Sa s`më plas ky tëmth

Kudo që prek e shkel

Në shpirt jam rebel, e

Zemra fortë më rreh

Për t’imin Atdhe

Dashuri që më deh  

Rehati dot nuk gjej

Syri nuk mu mshel

As edhe kur flej

Nga prapa më ndjek

Si hija në shteg

Unin po ma vjel

Ai Malli më djeg

Dhe më përvëlon

Mendjen ma turbullon

Vuajtjet mi shton

E më mban pezull

Në flakë t’ndezur,

Qiri për së gjalli

Ah, i Atdheut malli!