Kopshtarët kosovar musafirë të atyre polak

Kopshtarët kosovar musafirë të atyre polak

Nga Haxhi Dulla – Varshavë

Nga  18 – 24 korrik një grup biznesmenëve nga Kosova qëndroi në  vizite në Poloni,ku u njohtuan me aspekte të ndryshme të kultivimit të mjedrave dhe boronicave , bimë këto që ende nuk kultivohen me shumicë në Kosovë.  Organizator i këtij seminari ishte fundacioni amerikan Word Lerning Forecast, i cili kishte zgjedhur Poloninë si vend me traditë të gjerë, dhe  potencial të madh  të prodhimit.  Partner i fundacionit amerikan  në Poloni është  Fundacioni i Tregut me Shumicë  nga qyteti Bronisze në Poloni.

     Organizatori i këtij seminaria kishte për qëllim që   në mënyrë sa më gjerë të paraqesë potencialin polak me mënyrën dhe parimin e kultivimit të  mjderave dhe boronicës, vështirësitë,situatën në treg, parimet agroteknike etj.  Seminari u udhëheq nga ekspert  të pemëtarisë pranë  Fakultetit të Bujqësisë  ( SGGW) në Varshavë.

      Pas seminaria musafirët nga Kosova  vizitian edhe disa ekonomi bujqësore, ku kultivohen me shumicë ( gjerë ne 300 hektar )  këto bimë, ndër to kooperativa e kultivimit të boronicave të familjes së Jan Karwowskit në fshatin  Piskórce afër  qytetit  Tarczyn e cila  ndër të parat në vend kan filluar kultivimin edhe të  fidaneve të mjedrave.

     Me tutje musafirët kosovar vizituan ekonominë  kopshtare „SADPOL” afër Glinojeck ku në shkallë të madhe kultivohen mjedrat, ato tradicionale si dhe ato vjeshtore  Plantacionet janë të udhëhequra me system bashkëkohor të rreshtave dhe mësymjeve me sistemin e ujitjes  dhe të plehrimit.  Në këtë kooperative  mbledhja e fryteve bëhët me dorë sepse frytet janë  të destinuara  për tavolinë ndërkaq pjesa tjetër e fryteve të destinuara për ekonominë prodhuese bëhet me 2 kombaja bashkëkohore. Tek biznesmenët kosovar përshtypje të mirë la  mënyra e organizmit të mirë të punës , dhe plantacionet  e shumta të dredhzave të buta të sezonie të vjeshtës. Destinim i vizitës së  musafirëve kosovar ishte edhe ekonomia  bujqësore e  familjes  Wilczewskich (afër  Bia?ystok në verilindje të Polonisë.)  ku kultivohen me shumicë  ( mbi 330 hektar) shkurre të manaferave, me shtresa të mbuluara një sistem më bashkëkohor të ujitjes, ku punojmë gjerë në 3 mijë punëtor  në ditë.  Pronari i kësaj ekonomie bujqësor ishte shumë mikpritës për musafirët kosovar , të cilet   i  njohtoi gjerësisht me  procesin e punës.

      Në vazhdim të qëdrimit  në Poloni , kosovarët  vizituan  edhe frigoriferët bujqesor në  qytetin Sokólka ku  qëndrojn frigoriferët e mëdhenjë për ngrirjen mjedrave dhe boronicave .

      Ditën e fundit të vizitës , musafirët  e vizituan qendrën e njohur tregtare bujqësore të  pemëve dhe perimeve në Bronisze  me shumicë,ku u njohtuan  gjerësisht me procesin e veprimtarisë së Bronisze,  si vatër e rëndësishme e  tregut të  pemëve dhe perimeve në Poloni.

      Në perfundim të  vizitës , musafirët nga Kosova ,falenderuan  polakët  për  mikpritjen e ngohtë, pervojën e fituar, dhe sukseset e përditshme për ekonomineë, prodhimtarinë polake, duke premtuar se do të bashkëpunojnë në të ardhmën, e posaqërisht blerjen e  fidaneve polake, për kultivimin e  tyre  në Kosovë.