Kadri Mani: Fetah Sahiti një burrë malësor

Kadri Mani

FETAH SAHITI NJË BURRË MALËSOR

O tek len dielli-o e praron hana

Fetah Sahit-o ma nuk ban nana!

Fetah Sahiti-o një burrë malësor

Shqipërisë etnike po ia bën me dorë!

O po ku je ti- o Shqipëri etnike

Ç’po na vjen-o si nuse fisnike!

Të gjithë ne ishim krushq në garë-e

E Fetah Sahitin kishim bajraktar-e!

Trim petrit-o burri i Kosovës

Dora e djathtë e Ibrahim Rugovës!

E njohin nxënësit e çdo student

Shtpinë e vet shkollë e fakutet!

Po ju blen tekste edhe fletore

Sikur prind-o po i merr përdore!

Fetah Sahiti-o prej Malësie

Digë e fortë për t’Madhen Serbie!

Ndal Millosh-o se ka hendek

Me UÇK-në sot keq je përjekë!

Bini djema bre mos keni dert

Municione unë ju siguroj vetë!

Nga Preveza shkon te Toplica

Pa një këmbë veç me paterica!

N’paterica një vrimë e ka shpue

Postën ndër male jua paska çue!

Po e dërgon-o postën ndër mal-e

Gjini nanës-o po i qoftë hallall-e!

Fetah Sahiti tebdil dhe allafranga

Përplotë çantën e kish me franga!

S’mbrohet  pragu-o i shtëpisë

Pa përkushtim-o të pavarësisë!

Mirësevjen-o moj Republikë

Na i njësove teori-praktikë!

Gjeneratat-o po shkollohen

Zemrat tona sa fort po gëzohen!

Orientimi pro-perendimor

Çdo tapi po na e vë në dorë!

Zilja shkollës jehon n’vendlindje

Çdo sakrificë e kemë ba me bindje!