Demir Krasniqi: I këndojmë lirisë

Demir KRASNIQI:

            I KËNDOJMË LIRISË

I bëjmë thirrje gjithë rinisë –

T’ i këndojmë s’ bashku lirisë!

Sot Kosova po  feston

Për lirinë që e gëzon .

Moj Kosovë , ma gëzofsh lirinë ,

Republikën , pavarësinë ,

Moj Kosovë , ma gëzofsh shtetin,

Kushtetutën, sovranitetin !

Zemrat tona fort janë gëzuar –

Që nuk jem ma të pushtuar,

As të shtypur, as t’ shfrytëzuar,

Jem t’ pavarur dhe t’ çliruar .

Ma nuk jemi të burgosur,

T’ nëpërkëmbur , të përdhosur,

Nuk jem skllav , as bujkrob,

N’ burgjet sllave s’ jemi rob !

Jemi Zotë të tokës sonë,

N’ pronat tona s’ jem kolonë !

Me prodhimet tona agrare,

Me të drejta qytetare .

Jem të lirë dhe kemi shtet,

Kushtetutë, Universitet ,

Vendin tonë e drejtomë vet

Me  dëshirë e me vullnet .

Sot  të lumtur rrojmë n’ këto troje,

Veprojmë lirshëm  hiq pa droje ,

Flasin shqip guri me gurin,

Lartë mbi re ngrehim flamurin .

Hiq pa roje e pa  përgjime ,

Pa ndëshkime , pa shtrëngime,

Pa pranga e  arrestime ,

Pa ndalesa e kufizime !...

Krijojmë lirshëm dhe këndojmë,

Ma armiqtë  nuk  na përgjojnë !

Krijojmë vepra madhështore –

Mbi themele t’ reja shtetërore !

N’ vendin tonë, lirshëm frymojmë,

Lirshëm lëvizim e punojmë ,

Këmba e huaj nuk na sundon ,

Goja e huaj s’ na komandon !

Jem të lirë në jetë e n’ punë,

Nuk kem shtypje, nuk kem dhunë,

Kufizime as censurë ,

Krijojmë vepra për kulturë .

Mendjendriturit nuk kanë rrejt –

Se liria është e shtrenjtë !

Është e shenjt si Zoti hak –

Për te duhet derdhur gjak !

Sot, Kosovën e njeh bota –

Qytetarë me drejta t’ plota ,

Liri shprehje , komunikimi,

Liri shtypi e tubimi...

Liri mbledhje e grumbullimi,

Liri feste e manifestimi,

Gëzojmë të drejtat qytetare

Me konventa ndërkombëtare .

Si t’ gjithë popujt gëzojmë prestigjin,

Nuk do t’ jetë askush mbi ligjin!

Ne me luftë fituam lirinë –

Me paqe ndërtojmë ardhmërinë !