Milazim Kadriu: Tërë jetën në shërbim të atdheut

Në organizim të Shoqatës së të burgosurve politik në Besianë  u përkujtua veprimtari i çështjes kombëtare Xheladin Rekaliu në 11-të vjetorin e vdekjes. Xheladini Rekaliu u lind në fshatin  Gegaj (ish Dobratin) të Besianës dhe qysh si student u inkuadrua në lëvizjen studentore. Ai si udhëheqës i demonstratave të 68-shit u dënua me 4 vite burg dhe u dërgua në burgun famëkeq të Goli Otokut. Xheladin Rekaliu është njëri ndër atdhetarët e rrallë i cili u ka pri i pari të gjitha proceseve dhe organizimeve politike ilegale në Llap e më gjerë. Xheladini ishte gjithashtu njëri prej pjesëmarrësve dhe organizatorëve më aktiv i demonstrative të vitit 1968,duke qenë edhe pjesëmarrës i shumë protestave dhe demonstratave tjera kudo që janë organizuar kundër regjimit pushtues. Për shkak të veprimtarisë dhe aktivitetit të tij të pa ndërprer kombëtar Xheladin Rekaliu, ishte mbajtur i izoluar nëpër shumë burgje famëkeqe të Serbisë si në Nish, Leskofc e Beograd. Ai gjithashtu për shkak të aktivitetit kombëtar ishte shumë herë edhe i dënuar në disa procese të montuara politike duke vuajtur edhe shumë vite burg. Inspektoret famëkeq të UDB-së, shumë herë atë familjen dhe shokët e tij i kanë persekutuar duke e rrahur dhe keqtrajtuar rëndë edhe fizikisht për shkak të veprimtarisë së pareshtur atdhetare. Ndërkohë që me rastin e shënimit të përvjetorit të 11-të të vdekjes së këtij patrioti të madh, Shoqata e të burgosurve politik në Besianë në shenjë nderimi dhe respekti për veprën madhore pranë varrit të tij ka bërë homazhe duke vendosur edhe kurora të shumta lulesh. Në shënim të këtij përvjetori gjithashtu kanë marrë pjesë edhe shokë, miq e  veprimtarë të tjerë të Llapit e më gjerë. Me këtë rast janë evokuar kujtime për jetën dhe veprën e atdhetarit ku një fjalë rasti e ka mbajtur shoku i tij dhe bashkëveprimtari Hakif Sheholli.

Shumë i ri Xhela

U nis rrugës së lirisë

Edhe pse e torturuan shumë

Asnjëherë s’ju frikësua stuhisë.

Vuajti burgje të rënda

Por kurrë s’u dorëzua

Gjithherë qëndroi vertikalisht

Asnjëherë s’u gjunjëzua.

Organizator i demonstratave

Qysh nga viti 1968-të

Kërkoi që i lirë Flamuri të valoi

Në vendin e vetë.

Punoi pa ndërprerë

Poste kurrë s’kërkoi

Lëvizjen kombëtare

Gjithmonë e ndihmoi.

E gëzonin shumë Xhelën

Sukseset e luftëtarëve të lirisë

Edhe pse tërë jetën për te punoi

Lirinë e Kosovës nuk e shijoi.

U përcoll me Flamurin Kombëtar

Dheu i atdheut trupin ia mbuloi

Një rreze dielli mbi malin Albanik

Lirinë e Kosovës e paralajmëroi. (M. K.)