Mendime

Selim Hasanaj: Nuk pajtohem me gazetarin Rrustem Rugovën, as me asnji nga Rugovajt e Cerrcës

E marte, 10.11.2009, 07:57 PM

NUK PAJTOHEM ME GAZETARIN RRUSTEM RUGOVEN AS ME ASNJI NGA RUGOVAJT E CERRCES

Nga Selim Hasanaj

Në shkrimin tim të botuem në saidin zemrashqiptare.net diten e djeshme me 09.11.2009 me titull "TË DIHET E VERTETA, HISTORIA E DY FAMILJEVE" kishte pas deri këto momente shtatë komentime dhe unë i falenderojë komentuesit per fjalet e mira që i thanë jo veq per artikullin, por per mue si autor i ti. Në mes komentuesve ishte edhe gazetari me pervojë gadi kater-pes dekadash z. Rrustem Shaban Rugova nga Cerrca e Istogut i cili asht djalë i axhes me Dr. Ibrahim Rugoven , Presidentin e parë dhe Historik të Dardanisë.
Po kalojë direkt në temen që kamë qellim ta shtjellojë.
Z. Rrustem Rugova, besojë se neve nifemi mes veti aq sa Ju personalisht dhe asnji nga juve rugovasit e Cerrces nuk do ma shifni per të madhe këtë leter. Unë e di se axha i jot e edhe i Dr. Ibrahim Rugovës, z. Ali Rrustë Rugova ,menjiherë pas luftes së NATO-s në Dardani kur rrebelet e SHIKUT dhe shpiunet e UDB-së dhe KOS-it serb filluen me të madhe ta shajnë, ta shpifin dhe ta kerrcnojnë Liderin e Kombit, Kryetarin e Levizjes Kombëtare LDK-së dhe Presidentin e parë të Dardanisë Dr. Ibrahim Rugovën, ka thanë se ai që prek Ibrahimin do i pergjigjem me LIGJET E KANUNIT TË LEKËS. Nuk dyshojë fare se këte e keni ndegjue në radhë të parë Ju z. Rrustem e pastaj të gjithë mashkujt tjerë të Rugovajve të Cerrcës.
Menjiherë po ju pyes juve z. Rrustem Rugova se a po pritni juve dhe të gjithë ata mashkuj të tjerë Rugovaj e që nuk jeni pak por diku mbi 100 veta që baci Ali nji plak me 84-85 vitet e veta moshë të jetë ai Aliu i hershem dhe i vetem tu del perballë races serbomagjupe të shqipfolsve të shumtë që tinza apo ashiqare pothuej panderpre shpifin dhe rrejnë zi e ma zi jo vetem per Dr. Ibrahim Rugovën por edhe per familjen e origjinen e familjes suaj të pasardhësve të Sadri Elezit të Malaj të Rugovës, familje kjo tradicionalisht kombtare dhe patriotike?! Juve nuk e paskeni kuptue drejtë fillimin e shkrimit tim të djeshem, kur shkruej dhe bajë krahasimin e fëmiut jetim dhe fëmiut të mjerë. Unë dhe bota e dinë se Dr. Ibrahim Rugova asht rritë jetim si fëmijë, por ai tani si SHEJT dhe LEGJENDË e kombit të vetë pasi iku në boten e amshueshme nuk asht ma as jetim e as i mjerë. Thamë nuk asht per faktin se edhe sikur të ishte AI njeriu ma i keq, megjithate ai asht qytetarë i Dardanisë dhe ka të drejtë ligjore të jetë i mbrojtun me ligj nga sulmuesit dhe shpifsit e pashpirtë, të poshter e të ligj, nga idiot dhe monstrum shqipfolsish. Sikurse që ishte dasht poashtu me ligj ti jipet denimi per të këqiat e ti nese ai i ka ba.
Mirpo, dihet se ligji per të veprue duhet pas fakte, e faktet para ligjit i sjellin prokuroret dhe hetuesit. Ndersa per tu marr prokuroret dhe hetuesit me ndonji rast së pari duhet dikush ta bajë denoncimin. Kështu pra z. Rrustem Rugova , unë mendojë se jeni juve familjaret dhe vëllaznit e Dr. Ibrahim Rugovës që keni obligim moral dhe tradicional (jo vetem kombtarë)që ti detyroni organet dhe institucionet e shtetit Dardani që po e quejn Kosovë që të gjinden dhe sillen para ligjit dhe drejtësisë të gjithë këta idiot që shkruejn dhe shpifin per Dr. Ibrahim Rugovën dhe origjinen e ti familjare tue e sjellë kështu para opinionit edhe familjen dhe origjinen e Rugovasve të Cerrces si familje shpiune, si familje e pamoralshme etj, etj. Sado që shumica po shkruejnë me nofka dhe pseudonime, Policia e Dardanisë ka mjete të sofistikueme dhe padyshim do e ketë edhe perkrahjen e Policisë së EULEX-it dhe KFOR-it dhe mbrenda nate do e zbulon se kush janë ata. Dhe kur zbulohen pastaj do fillon procedura kunder tyne me ligje dhe poashtu duhet të nxirren para drejtësisë edhe ata që kanë dalë me emna dhe që dihen. Unë aspak nuk mendojë se njeriu nuk ka të drejtë të mendojë ndryshe nga unë apo nga tjetri, por jamë kunder akuzave të fabrikueme, kunder shpifjeve dhe rrenave, kunder intrigave dhe ofendimeve që të gjitha këto krijesat e shemtueme si Tano Turku, Veton Podguri,Kushtrim Janina, Njomza B. Dardan Prishtina etj, etj. Pastaj personat konkret si Tafil Duraku, Sheradin Berisha, Isa Mulaj, Faruk Gashi etj ,etj. i bajnë tue perdor nji fjalor banal dhe teper teper ofendues.
Z. Rrustem Rugova. Kur në kuvendin e VI të LDK-së u nda kjo parti në dysh unë i pata shkrue nji leter mes tjerve edhe Haki Imer Rugovës dhe Ibish Imer Rugovës. I pata lutë dhe këshillue që të mbahen RUGOVAS e mos të bien pre e sferave dhe poleve të interesit partiak. Këtë verë kur isha në Istog në pushime derisa isha tue pi nji kafe në lokalin e Rexhep Verbiqit së bashku me Agron Avdijaj të Sinesë i cili më kishte krye disa punë në banjo të banesës sime, z. Haki Imer Rugova vjen dhe me nji ton kerrcnues më drejtohet me disa fjalë që nuk ja vlen ti ceku këtu. Agron Avdijaj që isha me te u befasue dhe më pyeti se cka pat ai njeri?! Nuk di i thash, ndoshta asht i dehun.
Z. Rrustem Rugova, juve , tue fillue nga Ju se jeni tash ma i vjetri nder rugovajt e Cerrces nese e perjashtojë këtu dajen Binak dhe dajen Isa si dhe bacin Ali që asht plakë e lodhë, keni obligim që si familje ti drejtoheni gojarisht dhe me shkrim Policisë së Dardanisë ( Kosovës), ti drejtoheni Kryetarit të Kosovës Dr. Fatmir Sejdiu, ti drejtoheni Kryeministrit Hashim Thaqi, ministrit të mbrendshem Zenun Pajaziti dhe të kerkoni nga ata që të gjinden shkruesit e trillimeve dhe ofenduesit banal të vebsaideve të ndryshem si dhe të thirren para drejtësisë personat publik si Sheradin Berisha, Tafil Duraku, Isa Mulaj, Faruk Gashi si dhe Driton Sejdiu i cili me librin e tij që nuk asht tjeter pos pamflet i sherbimeve të SHIKUT dhe UDB-së " KUSH ISHTE ZAHIR PAJAZITI " paturpsishtë shkruen dhe rren per gjithcka që kishte të bante me LDK-në dhe UCK-në , bile bile ky njeri i pa cipë shkon aq larg sa e shkruen se heroi i popullit Zahir Pajaziti kishte pas plan ta vras Dr. Ibrahim Rugovën. Të thirret para drejtësisë edhe ish zëdhansi i AAK-së së Ramush Haradinaj, shoku Ernest Luma dhe bashkautori i ti Skender Krasniqi që poashtu së bashku kanë shkrue shkarravinen me trillime "KËSHTU BANI TAHIR ZEMAJ" ku paturpsishtë sulmojnë dhe denigrojnë jo veq Kolonelin patriot Tahir Zemaj, por edhe Dr. Ibrahim Rugovën.
Z. Rrustem Rugovaj, juve thoni në komentin që keni ba shkrimit tim se ju kan terrue sytë kur e ke lexue ate që e shkruen Sheradin Berisha, pastaj vazhdon me arsyetimin se juve keni shkrue nji biografi per Dr. Ibrahim Rugovën. Po të garantojë se edhe unë edhe i gjithë populli shqiptarë ( por jo edhe shqipfolsit e sojit të pasoj si të perfolunit këtu) e kemi lexue atë shkrim tandin dhe të pergëzojë. Ishte i mirë dhe i sakt. Ama a ka mjaftue kjo?! Pse po heshtni juve rugovajt e Cerrces, pse juve të gjithë me radhë jeni nda në grupe dhe i ikni pergjegjësisë tradicionale dhe kanunore të shqiptarizmit dhe nuk reagoni si vëllazen të Dr. Ibrahim Rugovës?! Juve dhe vetem juve ju takon mbrojtja e njeriut të Kosovës që në radhë të parë ishte vëlla i juvi. Juve ju takon që per ta mbrojtë ate ta kerkoni ndihmen e institucioneve të Kosovës dhe popullit shqiptarë. Dhe jamë shumë i bindun se nese juve të bashkuem do veproni do e keni krejt popullin mbrapa dhe do shofin pastaj shpifaraket idiot se si do shkruenin rrena e ofendime. Ama juve duhet të reagoni së bashku e jo djemet e bacit Ali në nji anë, të dajes Imer në anen tjeter ndersa ti dhe djemet tu herë mas Sabri Hamitit e herë mas Sherif Bales që të dy këta dhanduer tuej dhe as njani as tjetri hiq burra të mirë, bile bile që të dytë intrigash njerez anti Ibrahim Rugovë.
Per rugovet tjer nuk po flas pos per Selmonin i cili poashtu ishte dasht të jet krah juve sepse ai ka mundësi, ka kapacitet dhe edhe obligim. Këti karvani të vëllaznive Rugova duhet patjeter ti bashkangjiten edhe zonja Fanë Rugova si dhe djemet Mendimi dhe Uka.Dhe edhe nji herë e potencojë se jeni vetem juve që si familje keni arsyen tu drejtoheni institucioneve të shtetit të Kosovës per ti vu para drejtësisë shpifsit e poshter Tano Turku, Veton Podguri, Tafil Demaku, Sheradin Berisha, e sa e sa tjerë. Nese as në kerkesen e juve nuk do reagojnë policia dhe institucionet e shtetit të Kosovës juve duhet tu drejtoheni të gjitha instancave nderkombëtare që nji herë e pergjithmonë tu mbyllet goja dhe ti marrin denimet që i meritojnë këta idiot.
Z. Rrustem Rugova dhe juve të nderuem miq të mi Rugovaj të Cerrcës. A nuk po e shifni se jeni ba gazi i botes dhe per shumcka me të drejtë ju akuzojnë. Pothuej per cdo verë mue më lusin miqet e mi nga diaspora skandinave që ti sjell e ta shohin vendin ku ka lind SHEJTI I SHQIPTARVE Dr. Ibrahim Rugova. Ku ti sjellë unë ata?! Me i pa shtepitë dhe pallatet e juve?! Jo të nderuem. Shqiptaret dojnë ta shohin trollin e lindjes së njeriut të madhë të popullit shqiptarë se sa per shtepi e pallate askush nuk asht i interesuem. Cka keni ruejt tjeter të Dr. Ibrahim Rugovës juve perpos lisit sikur e queni a në realitet asht nji dru Hormoq që e ka pas mbjell Ibrahim Rugova. Disa thojnë se ju nevojitet per hije se as ate nuk do e kursenit.Me të drejtë flitet edhe kjo.
Pse nuk u ndertue nga e para ajo shtepia e vogël ku pat lind Ibrahimi, pse u ndertue dhe u shpallë KULLA E RUGOVËS kulla e dajve të Ibrahim Rugoves në Llukafc të Begut?!! Pse, pse, pse deri në pambarim, por ta dini se pergjigjet duhet ti jepni juve rugovajt, ta dini se kacafytjet me njerzit e poshter duhet ti bani juve rugovajt, ta dini se nuk do keni mundësi edhe per shumë vite ta perdorni emnin dhe namin e Dr. Ibrahim Rugovës që juve të ndertoni karier,poste, biznese dhe pallate.
Z. Rrustem Rugova dhe të gjithë juve rugovajt e Cerrces që do ju prek ky shkrim i imi, unë aspak nuk merzitem se dikush nga juve do më merr inati, jo per asgja tjeter pos per faktin se këtë shkrim timin nese keni vetem pak tru dhe logjikë dhe nese jeni gjak i deres së Sadri Elezit juve këtë shkrim do e merrni si këshillë dhe jo si sulm. Unë besojë se e kamë deshmue per pes dekada të jetes sime dhe per shtatë tjera të babës tim Mustafë Hasanaj se neve ishim dhe jemi dashamirë të juve e jo anmiq. Por në veprimet dhe joveprimet e juve të sotshme unë nuk jamë anmik por jamë kundershtarë. Jamë kundershtarë sepse jeni tregue dhe po tregoheni neglizhent, shumëherë edhe injorant dhe sikur thotë populli i keni shti veshet në lesh dhe kjo nuk ju ka hije. Idiotet duhet të luftohen dhe deklasohen edhe me ligjet e Kanunit të Lekë Dukagjinit sikur ka thanë baci Ali Rrustë Rugova.

Me nji pershendetje vëllaznore si gjithmonë dhe deri në vdekje vëlla i jueji

Selim Mustafë Hasanaj
Lubozhdë - Istog
10.11.2009
Sarpsborg - Norveg

(Vota: 10 . Mesatare: 5/5)